الخميس، 10 أبريل، 2008

السلام عليكم ورحمة الله وبركاته


أولا وحشتني مدونتنا جدااااااااااا
مكنتش اعرف انها بيتي التاني فعلا ولا نقول التالت ولا الرابع لان ليا بيوت كتير
مش عارفه ابدا ازاي ولا اقول ايه ملخبطه جدا لان بكتب من سايبر لان النت عندي مفصول لظروف الامتحانات اللي قربت على راي بابا رغم انها مقربتش ولا حاجه

أولا
الحمد لله رب العالمين
ظهرت نتيجتي و ربنا من عليا بنجاح بتقديرات كويسه بفضل الله
شكر خاص للأخ
النجم القادم
لأن هو اللي جابلي النتيجه واخته اللي هي اختي و حبيبتي في الله اتصلت قالتلها لهم في البيت ووشها كان قمر عليا
العجيب والغريب ان في دكتور لما بيدي جيد بتجيله حساسيه مديني امتياز في مادته بفضل الله
انا حليت بس طول عمري كنت بحل ممتاز في مواده واجيب جيد اشمعنى المرادي
سبحان الله
له في خلقه شئون(هي شئون مكتوبه كده صح؟ ياريت ياأستاذ عصفور المدينة تقولي)
المهم ..
الكليه هبتحقد عليا على الامتياز دي بغض النظر عن اي حاجه تانيه
لدرجة واحده صاحبتي بتقول جيبي امتيازات في السبع مواد الباقيين وجيبي في دي جيد اقبلها انما الدكتور ده ازاي يديكي امتياز
احقاد بشريه بقى
الحمد لله رب العالمين على كل حال
ومبروك لكل اللي في تجارة و دفعتي على التحديد



تاني حاجه
اعتذر عن الانقطاع والتقصير
عندي ميت الف حاجه بتجري في دماغي اليومين دول
مشغوله فعلا


اعذروني
وحشتوني جدا
وحشتني دعوة الفردوس بجد
بحب دعوة الفردوس جدا
لاني ببقى على طبيعتي
بكون مرتاحه
مش خايفه من حد ولا من حاجه
بتعامل مع الناس اللي اختارها بنفسي
بجد وحشتني دعوة الفردوس
انقطاع النت خلاني احتك بالواقع بشكل متعب جدا في بداية الامر
الأهواء والميول مختلفه تماما
أختكم بتموت في الأناشيد الجهاديه
الاقي مين انا يفهمني
في زمن الهشك بشك
سبحان الله

معلش مش هقدر اطول
ده كان سلام عابر و بعدين انا اتعودت انكوا تعيشوا معايا كل حاجه
قلت اقولكوا ان ربنا كرمني ونجحت
في خناقه في السايبر اللي أنا فيه مضطره أستأذنكوا و أخلع
أسألكم الدعاء
أن يدبر الله لي أمري ويصلح لي شأني و يقسم لي الخير حيث يعلمه ثم يرضيني به
السلام عليكم ورحمة الله وبركاته