الجمعة، 26 أكتوبر، 2007

كي لا ننــســـــــــــــــى




عــن حصار غــزة أتحدث






بــل أتــــرك الصورة تتــحدث






حيــنما يكون الفن هــادفــا




أترك التعليقات لكم












الأربعاء، 17 أكتوبر، 2007

صــــــلاة العيد السنادي لها العجــــــــــــــــــــــــــــــب















السلام عليكم ورحمة الله












انا بفضل الله كتبت في البوست اللي فات تهنئة بعيد الفطر كنوع من مجاراة الاحداث واني ابقى متفاعله مع الوقت اللي احنا فيه باستمرار خاصة في مناسبة رائعة ومحببة لأنفسنا كمسلمين زي المناسبة دي


















بس أكيد كان ليا ملاحظات على صلاة العيد السنادي






وكنت مأجله الكتابه فيها لحد ماشفت البوست بتاع الاخ جمعاوي روش طحن والأخ مهندس مصري فرقان بس بيحب بلده






الصراحة يعني مش لاقيه حاجه أقولها غير العنوان اللي انا كاتباه فوق ده












صلاة العيد السنادي لها العجب






وبالصور متقلقوش






طبعا احنا متعودين ان صلاة العيد بتكون زحام شديد جدا خاصة الناس اللي بتصلي في الاستاد زي حالاتي كده






وطول عمري مااحسش بصلاة العيد الا في الاستاد في الهواء والخلا على النجيلة الخضراء و خاصة بقى لما تكون الارض رطبة الطينه تبهدل هدومنا بتبقى حاجه جامده جدا






طبعا زمانكوا بتقولوا يادي اللت والعجن والرغي بتاعها






ماتخلصي يابنتي وتقولي انتي عايزه ايه من الاخر كده






اقولكوا انا












السنادي الزحمة كانت غير طبيعية بالمرة






بالمررررررررررررررررررررررررررررة






لدرجة ان الشيخ في الاستاد صلى قبل اي حد






انا للاسف مقدرتش انزل المسيرة لظروف عائلية






انتوا عارفين البيت والعيال بقى:))






فنزلت قبل الشروق بشوية






نزلت والمساجد حواليا لسه بتقول تكبيرات العيد






وبما ان بيتي قريب من الاستاد خدت الطريق مشي






لاقيت مسجد لسه باديء يصلى






قلت لاخواتي يلا اجروا علشان نلحق نصلي












أولا فوجئنا بأن المدخل الغبي اللي بندخل منه كل سنة مقفول






اللي هو بيبقى طرق ضيقه كده بيفصل بينها حاجز حديدي






فبدأ الناس يلفوا علشان يروحوا من المدخل الرئيسي للاستاد






وده طبعا ضيع شوية وقت محترمين






ودي صورة الناس وهي بتلف علشان تدخل من الباب الرئيسي




















































واحنا ماشيين فوجئت خير اللهم اجعله خير









ان الناس راجعه









استغربت









ده مسجد عطا جنب مننا لسه مصلاش او تقريبا هيبدا صلاة اهو









لالا









اكيد في حاجه غلط









ده لسه بدري ياجماعه









كملت









برده مقابله ناس راجعه









وقفت بنت كده في سني سالتها









قلتلها انتي ماشيه ضد التيار ليه









قالتلي الاستاد خلص صلاة الحقي عطا بقى (مسجد كبير ومشهور في دمنهور)









قلتلها انتي بتهزري









قالتلي لا فعلا ناس كتير جدا واقفه ومصلوش









قلتلها طيب روحي يابنت الناس من قدامي لو عايزه تعيدي النهارده مع اهلك









ضحكت جدا









قلتلها بتضحكي ؟؟بجد امشي من قدامي


















المهم قلت ايه يمكن الناس واقفه وهيفتحوا ليهم دلوقت زي مابيحصل احيانا ويأخروا الناس عن الصلاة او حتى يدخلوا بعدها ويصلوا لوحدهم









بتحصل يعني









المهم رحت خاصة ان افوااااااااج من الناس كانت لسه في الطريق









رحت لقيت خير اللهم اجعله خير









كمية ناس واقفه على الباب















اسالهم انتوا صليتوا يضحكوا









ويقولوا لا









بقيت واقفه مذهوله









اقول كل العدد ده











يقولوا ده بدا بدري وخلص في ثواني









و الأمن كان فظييييييييييييييييييييييييييييييييييييييييييع ولا كأنه مثلا يعني بيحبطوا عملية ارهابية









مااهتميتش اني اصور عربات الامن رغم كثافتها المبالغ فيها لان الى حد ما متعودين على المنظر ده وان لم يكن بالكثافه دي









المهم بقى









لقيت الناس اللي كانت بتصلي بدأت تخرج









قصدي تتزق من جوه









المنظر كان مريع









وقفت شويه على مااستوعبت اني اصور حاجه









بس فقت بقى على منظر الأمن









لقيت الزعيق والزق للنساء وغيرهم عادي









تبص تلاقيه يطلع على الرصيف حاسبي ياماما شويه ورا ياانسه ومش بلسانه بس ايده بتقول معاه









للاسف اضطريت ابعد لان لو كانت ايده كلمتني كان كل البشر دي دخلت تاني بس علشان تصلي الجنازة بقى على روح الفقيد









اذ فجأتن لقيت الأمن بيزعق للناس اللي خارجه والناس بتتوافد و تتقاتل في سبيل الحصول على لعبة من اللي بيوزعوها يوم العيد دي









لقيت عمو بتاع الأمن حابب يقول للناس كل سنة وانتوا طيبين









قام عمل ايه









كسر كرسي









ولقيت الأخ ماسك رجل الكرسي ونازل بقى ضرب للي قدامه









حاولت اجيبه يمين شمال اني اصوره









معرفتش ابدا









كان فيه واحد بسم الله ماشاء الله يعمل مني سته ونص واقف قدامه أمن برده









والزق والبهدله بقت على ودنه









اتفضلوا اتفرجوا






















































وطبعا كانت مادة صحفية جامده مووت لاقيت اتنين كده بيصوروا واحد بيصور فوتوغرافيا والتاني فيديو والصراحه اتبهدلوا اخر بهدلة


















الطريف جدا بقى









ان الناس بتتخانق على اللعب المتطايرة في الهواء









وابص الاقي اعزكم الله









شباشب بتطييييييييييييييييييييييير يمين وشمال









معرفش ليه ومعرفش الناس دي روحت حافيه ولا نظامها ايه









وكل ده ومتنسوش عمو الامن اللي بيضرب برجل الكرسي اي حد قدامه


















اه قبل ماانسى بس









اوعوا يكون في حد مش عارف سبب البهدله دي









اصل عمو المحافظ كان بيصلي هناك









كانت شورته مايعلم بيها الا ربنا









بس برده ماهو بيصلي هناك كل سنه ايه الجديد مش عارفه









يمكن كان عندهم معلومات ان في قنابل في المكان









وهو علشان عمو المحافظ يصلي نولع احنا بجاز









طيب الحمد لله انه مبيصليش الفروض معانا كانت بقت خيبه









كان زمان الناس بطلت تصلي من زمان



























طبعا انا جبتلكوا شوية صور على قد ماقدرت وعلى قد مافضيت يعني









لاني كنت مدايقه جداااااااااااااااااااااااااااااااااااا لاني مصليتش ومكنتش عارفه الاقي اخواتي ولا صاحباتي ولا حد









بس ربنا سبحانه وتعالى فرج عني بموقف رائع









هزني جدا









واسعدني جداااااااااااااااااااااااا









الحمد لله









هبقى احكيهولكوا في تدوينة مناسبه قريب باذن المولى









المهم بقى









ان في ناس بتقول ان الزحام ده كان مقصود ومكنش طبيعي ابدا









الله أعلم









الناس بقى اللي صلت









طلعت حالتها صعبه جدااااااااااااا









شفت مدام كبيره بتقول انا مكنتش لاقيه مكان احط فيه راسه في السجود









وشكلها بالفعل متبهدل جدا









لا وايه









لقيت عمو قائد الحرس بتاع كليتنا هناك









وكل حرس الكليه منوررررررررررررررررررررررين









وعمو قائد الحرس زي اللي عايز يصبح بما انه مشافنيش من اول السنه بما اني لسه منزلتش الكليه لظروف ما









لقيت عمو قائد الحرس









بالناسبه اسمه أيمن بيه









بس عمري ماقلتله ببيه دي









جه وقف جنبي واترسم وشوية يقف على الرجل اليمين وشويه على الرجل الشمال ويدقق ويبص زي اللي عايز يفكرني بيه









او يقولي انتي مش واخده بالك ولا ايه









المهم قعد بتاع عشر دقايق لازقلي في اي حته اروحها بعدين شاف حاله


















المهم يعني









ان في عيد الاضحى مستعده ابيت هناك على باب الاستاد









ليه وعلى باب ليه هنط جوه :)









اما اشوف اخرتها ايه معاهم









وكل عيد وانتوا صالحين ومصلحين









ومصليييييييييييييييييييييييييييين









السبت، 13 أكتوبر، 2007

عيد الفطر


الله أكبر الله أكبر الله أكبر

ولله الحمد

الله أكبر كبيرا والحمد لله كثيرا وسبحان الله بكرة وأصيلا













كل سنة وانتوا طيبين

وعلى راي المثل

العيد فرحة وأجمل فرحة

تجمع شمل قريب وبعيد

هيييييييه هيييييييييييييييه هييييييييييييييييييييييييييييييييييييه


ربنا يتم علينا فرحتنا بزوال الظلم من بلادنا

وبلادنا دي معناه كل بلد فيها مسلم

كل بلد يقال فيها ال اله الا الله

ربنا يتم علينا فرحتنا

بالصلاة في المسجد الأقصى

وقضاء أجازة العيد في جنان بغداد

والاحساس بالأمن والاستقرار في لبنان

وتظهر الصورة الصح للبنان صورة المقاومة و القوة والشجاعة

وتنمحي الصورة الراسخة في أذهان الناس لها


ربنا يتمم علينا عيدنا بخروج كل أسير وكل معتقل فكر و مبدأ وكل شريف وكل مظلوم

العيد

له معاني

أماني

تأملات

العيد لسه محسيتش بيه

العيد لسه مجاش

ادعوا واثبتوا بعد رمضان

اوعوا تنسوا ورد الدعاء

علشان ربنا هيقرب النصر بالدعاء

بصوا انا مش عايزه اقلل فرحتكوا

والله رمضان ده كان في فتح ونصر كبيير

بس اوصيكم ونفسي بالثبات والالتزام بعده بكل عهد عاهدناه عليه الله علشان ربنا يكمل نصره ويتم فضله


وكل سنة وانتوا طيبييييييييييييييين

السبت، 6 أكتوبر، 2007

حاكموه بتهمة اشاعة موت شعب مصر


لو كان هناك عدل في هذا العالم لوقف الرئيس حسني مبارك أمام القضاء بتهمة نشر شائعة موت الشعب المصري بدلا من وقوف صحفيين واعلاميين نشروا خبرا دون أن يتأكدوا من عزرائيل نفسه أنه لم يقم بعد بزيارة سيد القصر في ميونيخ أو باريس أو القاهرة أو شرم الشيخّ!الرئيس حسني مبارك مسؤول مسؤولية كاملة طوال ربع قرن عن ترويج شائعة موت الشعب المصري، واصدار شهادة موثقة من كل زبانيته ولصوص قصره وكلاب أمنه أن المصريين ماتوا عام 1981، وتم دفنهم ، وخرج الرئيس والرئيسة ووولداهما في الجنازة، وقاموا جميعا باهالة التراب على أعرق شعوب الأرض.الرئيس مبارك نثر شائعة موت شعبه عندما أمر بأن يضرب ضابط أمن أحد القضاة بالحذاء، ويسبه على مسمع من عشرين ألف قاض قائلا: حتى لو كنت مستشارا فأنت ابن ............... وتأكدت الشائعة لديه عندما تحرش رجال أمنه بفتيات مصر العفيفات، وشاهد الملايين على الشاشة الصغيرة كرامتهم وحرمتهم يتم انتهاكها، ثم أكملوا مشاهدة بقية المسلسل التلفزيوني، وخلدوا إلى نوم عميق. وحرص على انتشار الشائعة أكثر عندما أدخل صفوة مصر من العلماء والأطباء والمهندسين خلف السجون من الاخوان المسلمين وغيرهم , وكان واثقا ثقة اليقين من أن شائعته بموت الشعب المصري أضحت حقيقة واقعة، بعد صمت جيش العبور والأبطال، ومئات الآلاف من أفراده يرتعدون خوفا وهم يراقبون من ثكناتهم أبناءهم واخوانهم وأحبابهم يتعرضون للمهانة والضرب والتعذيب والحرق والاغتصاب، ثم تتم سرقة ونهب أموال الشعب، وكأن نياشين الأبطال تبخرت في سماء مصر فتكونت سحابة سوداء لا يدري المرء إن كانت تحمل غازات سامة أو تستعد لتُسقط دموعَ المصريين فوق النيل الخالد.ولم يخالج الرئيسَ أدنى شك في أن المصريين بكل ما يحملون من شهامة ونجدة الملهوف والحفاظ على الكرامة ماتوا مع وصوله إلى الحكم، فقررتْ السيدة الرئيسة في مواجهة حق الصحافة التي نشرت بأن صحة الرئيس ليست ( زي الفل )، أن تقدم الأحرار والشرفاء إلى محكمة تم ارسال الحُكم الذي ستصدره من مكتب الرئيس أو مكتب رئيس لجنة السياسات لكي يثبت الطاغية أن حذاء الضابط كان يمثل أوامر السلطة التنفيذية للسلطة القضائية،

مرة واحدة نقف أمام الطاغية ونصرخ في وجهه بأن شهادة وفاة الشعب المصري التي استخرجها مزيفة، مرة واحدة نغضب، وحينئذ ستبتهج السماء والأرض، وسيقول أحفادنا بأن أجدادنا مروا من هنا، وحرروا مصرهم، وتركوا لنا بلدا حرا كريما.مره واحده يا ساده قبل أن نكون نقطة سوداء في تاريخ الاسلام نقطة لم يحكم فيها بشرع الله فلتكن مره واحده